Actual Rehab sa Surigao City Airport Runway sugdan sunod buyan!

622

Sugdan na sa sunod na buyan o Hunyo an pagtrabaho sa Surigao City Airport,ini amoy tagbutyag ni CAAP Manager Jun Abrasado sa exclusibo na interview nan RMN Surigao kuman bag o.Sumaya pa na ini amoy isab tagpahibayo o update sa ija nan DOTR Project Monitoring Engineer kahapon na adlaw .Sumaya pa na ini na sa syudad an mga engineer sanan personahi nan Pacific Concrete Products Incorporated,an contractor na amoy morepair nan nadaut na runway sa Surigao Airport. Tagpasabot pa nan DOTR na amoy implementing agency sa amo na proyekto na jaun na sa final stage an tagconstruct na plantsite nan contractor dinhi sa Surigao. Mipasalig isab o mihatag nan assurance an amo na contractor na bisan kon nadelatar an amo na proyekto na unta sugdan sa milabay pa na Pebrero 2019 human na tag award ini sa ila,taposon gihapon nila ini suyod sa contract period na isa ka tuig o 365 days.Dugang pa ni Abrasado na an actual rehab work magsugod gajud sunod buyan o Hunyo. Kahinumdoman na dugay na tagpaabot na madajaw an amo na runway sa airport human ini maguba sa pag igo nan makusog na mag.6.7 na linog sa milabay na Feb.10 2017, rason na naundang an flight na nagbiyahi dinhi sa syudad na ija sa PAL sanan bugtong isa rakan ka flight sa CebuPac an nagbiyahi kada adlaw para sa Cebu. An amu na proyekto may winning bid na 206 milyon ka pesos.

Facebook Comments

From Advertisers