Suportado karon sa liderato sa mga local officials sa Marawi City ug Lanao del Sur ang pagpatuman sa usa ka ID system aron pagbutang ug hustong sistema diha sa rehabilitasyon sa war-torn area ug aron panalipdan ang mga legitimate Internally-Displaced Persons (IDPs).
Sa media interview, gisugilon karon ni Autonomous Region in Muslim Mindanao (ARMM) Assemblyman Zia Alonto Adiong nga gikinahanglan gayud ang usaka proseso haron dili kita malutsan sa mga nagpaka-aron ingnon nga mga IDPs apan alyado diay sa bandidong grupng Maute ingon man sa pag-facilitate usab sa reconstruction, rehabilitation ug rebuilding sa Marawi City.
Si Adiong, kinsa mao usab ang nahimong Marawi crisis spokesperson nga walay angay kabalak-an sa maong sistema diin ang usaka residenteng buot mahibalik sa war-torn area makabaton sa ‘safe conduct pass’ haron hilway usab ang iyang paghiuli sa ilang komunidad nga giguba sa bag-o lang natapos nga anti-terrorism warfare.
RadyoMan June Duterte
