El famoso director de sine y televicion Mario Margarito Jorolan Delos Reyes o mas conosido como si Director Mario J. Delos Reyes ya ataca y ya muri mientras ta atende un compli-anyo na Yugo Restaurant Dakak Park and Beach Resort na barrio Taquilon, Dapitan City del sabado por la noche.
Asegun na report del Police Regional Office 9, si Direc Mario ta man alegria junto con otro maga presente alto funcionario y maga visita cuando derepente este ya sinti malo y ya lleva conele corre na Dr. Jose Rizal Memorial Hospital para el tratamiento medical pero ya declara conele dead on arrival el maga doctor.
Asegun conel losdemas maga visita, ta bayla si Direc Mario cuando ya desma este banda alas 10 del noche.
Con el cadaver esperanzao ay lleva para na metro manila.
Si Direc Mario ya derigi monton maga penicula na sine y na television donde presentamente unu le del maga director na giant television network.
