General Santos City—Igo nalang sa pagdangop ngadto sa buhatan sa Police Station 1 ang usa ka Andrea Delos Reyes human nga gikawat sa wala mailhing suspek ang motorsiklo niini alas 10:00 ang takna sa buntag atubangan mismo sa iyang gitrabahuan sa may RFC nga makaplagan sa Daprosa Street, Barangay North, Gensan.
Sa tala sa Police Station 1, nakurat nalang ang biktima dihang paggawas niini sa iyang gitrabahuan, wagtang na ang iyang motorsiklo nga usa ka Honda wave kolor itom.
Iya pa kining gipangita apan wala na gyud niya nakit-an mao nga midangop na kini sa kapulisan.
Sa karon gi-flash alarm na sa Police Station 1 ngadto sa tanang kwerpo sa kapulisan sa Genasn ug kasigbit nga lugar ang motorsiklo sa biktima sa pamasin nga kini marekober pa.
Facebook Comments
