El Administrador del Ciudad Marie Angelique Go ya ordena con el serada del nuevo completao porsyon del camino locao na Baliwasan- San Jose Gusu section del national road que ta construji el Department of Public Works and Highways (DPWH).
Na su carta con el DPWH IX Regional Director Engr. Jorge U. Sebastian Jr del pasao Enero 18, 2018, el administrator Go ya habla que el su oficina ta pidi con el temporaryo provision del materiales que hay servi como barikada na camino para privini con el mga motorista utiliza con el nuevo construjido porsyon del Zamboanga-Labuan road.
ASegun con administrador Go na su carta que el fesao traffic congestion que ta experiencia na mensyonao locaccion ta socede masquin hinde mas durante el hora de peligro. Y el rason asegun de este, amo que el mga motorist ta usa con el omento dos lane de lcamino y llegar na cuantos metro desfues na San Jose Gusu Fuente, ta man dalasucan otravez el mga vehiculo como imbudo que amo ta causa el fesao trapico.
Para asegun resolve con el tal problema, si Go, pormedio del recomendacion asegun del Traffic Section del Policia Local, ya manda pone con el DPWH mga barkicada na mensyonao camino para hinde mas coneste fuede usa el mga motorista.
Asegun tambien con el Capitana del Baliwasan Aimee Cabato na entrevista del media, que mas ya queda grabe el condiccion del trapico cuando ya serra sila con el dos omento lane del camino cumparando del otro que ta fuede usa cuatro lane, era ya omenta ya lang sila traffic aide o pulis para mantene el traffic y hinde para serra con el camino . – *Bhong Simbajon/RMN News*
