Gipanghingusgan sa Panggamhanan sa Syudad sa Butuan ang Tricycle Conversion tungod kay daghan ug mabenepisyo niini ang mga driver ug sumasakay. Kini ang pipila lamang sa mga benepisyo matud ni City Administrator Reynante Desiata:
1. Matubag ang kakulangon sa transportasyon sa mga pasahero tungod sa sakto na og bahin ang tricycle sa mga nagkalain-lain nga ruta;
2. Legal na nga mobyahe ang converted orange tricycle sa napili nila nga ruta;
3. Madugangan ang kulang nga tricycle units sa uban nga ruta gawas sa ruta sa orange;
4. Maminusan ang sobra nga tricycle units sa Orange nga ruta;
5. Mas sayon na sa driver ang pag-uli sa ilang panimalay kung ugaling naay mga personal nga panginahanglan tungod kay anaa na ang iyang ruta duol sa iyang balay;
6. Kun ugaling madisgrasya, makakuha ang driver og insurance tungod kay anaa man siya sulod sa iyang ruta;
7. Madugangan ang kita sa mga tricycle drivers kay mabahin na ang tricycle aron maserbisyohan ang mga pasahero sa nagkalain-laing lugar.
8. Masigurado nga luwas ang mga sumasakay kay rehistrado ug dunay insurance ang tricycle; ug
9. Malikayan ang overcharging o “pakyaw” tungod sa duna nay klarong ruta ug masunod na ang saktong fare matrix.
