General Santos City–Nagtingkagol karon sa selda sa Police Station 4 ang usa ka Mylene Dela Cruz alyas Maylin Deles hamtong ang panuigon nga nanimuyo sa Agan Grandville, Barangay City Heights ning syudad human nga gi-serve kaniya sa kapulisan ang warrant of arrest sa kaso nga pagsupak sa RA 7610 kon child abuse.
Nasikop ang nasangpit nga suspect alas 3:00 ang takna sa hapon sa mismong panimalay niini.
Nasayran nga gi-operasyonan sa mga personahe sa kapulisan ang nasangpit human nga madawat nila ang warrant of arrest batok sa maong babaye nga gipakanaog sa sala ni Hon. Judge Jose Blanza Jr. niadtong Enero 10 sa milabay nga tuig.
Sa kasamtangan nagpaabot nalang ang kapulisan nga magpakanaog ang commitment order gikan sa korte aron nga mabalhin sa Gensan Reformatory Center ang nasangpit nga suspect.(Dave Silagan)
