Roxas City, Capiz – Isa ka advisory ang ginpaguha sang pamunoan ni Capiz Governor Nonoy Evan Contreras agud nga mapunggan ang pagsulod sa mga merkado sang African Swine Fever(ASF).
Diri ginmandoan sang gobernador ang mga tag-iya sang hotel kag mga restaurant sa Capiz sa paggamit okun pagluto sang karne sang baboy nga diri lang naghalin sa Panay kag indi sa area sang Luzon kon sa diin may yara na sang kaso sang ASF.
Ginabawal man sa amo nga advisory ang pagbahog sang karne sang baboy kag dapat nga kaayohon sang mga restaurant ang pag-dispose sang ila mga damog.
Samtang posible nga magapahamtang sang checkpoint para sa ASF ang provincial government.
Suno kay Provincial Veterinarian Dr Lionel Abordo, posible nga magapaguha sang isa pa ka executive order para diri ang gobernador.
Pinaagi sa amo nga checkpoint mapasiguro nga wala sang karne sang baboy ang magasulod sa Capiz nga naghalin sa mga lugar nga may ASF.
