Advisory sa pagpasulod sa mga pagkaon ug mga produkto, gipagawas sa Department of Agriculture

45

Mipagawas ug advisory si department of agriculture Secretary William D. Dar pinaagi sa Memorandum Circular No. 7 aron masiguro ang pagpalusot ug dili pugngan ang mga produkto ilabi na ang mga pagkaon ug agri-fishery commodities sa mga lugar nga gipahamtang ang community quarantine.

Tanang mga sakyanan nga nagdala ug produkto sa mga mahinungdanong palaliton nga mga pagkaon ug agri-fishery nga adunay giisyu nga sticker gikan sa gobyerno, kinahanglan nga pasudlon sa mga quarantine checkpoints agi sa mga food lanes.


Lakip na niini ang mga accredited suppliers ug truckers sa agri-fishery products diin apil niini ang bugas, lab-as nga mga prutas lakip na ang lubi, lamas ug utanon, brown ug refined sugar, isda ug tanang pagkaon nga gikan sa dagat, manok, mga binuhing carabao, baka, kanding ug karnero, itlog lakip na ang fresh, balut ug inasinan, gatas ug dairy products, tanang karne frozen ug processed food products, mga de lata nga pagkaon ug cooking oil (vegetable o coconut). Apil na usab niini ang feeds, fertilizers ug uban pang agricultural inputs and fishery commodities.

Nagpabilin gihapon ang Executive Order No. 26, series of 2020, pinitsahan Octobre 14, 2019 nga nagdili sa pagsulod sa binuhing mga baboy, lakip na niini mga processed ug frozen pork products aron malikayan ang pagsulod sa African Swine Fever o ASF sa atong probinsya.

Aron makakuha ug Food Lane Pass, kinahanglan kining mga rekisitos;

• Official Reciept o O.R ug Certificate of Registration o C.R sa sakyanan ug business permit;
Mga accomplished forms nga; • Form A- para sa Food Lane Accreditation Application Form (per vehicle);
• Form B- para sa Food Lane Reference Form ug Form C- para Statement of Commitment;
• Samtang sa Livestock, Poulty ug By-Products kinhanglana ang Handler’s License and Accreditation nga giisyu sa Bureau of Animal Industry (BAI) ug National Meat Inspection Services (NMIS).

Ang inyong mga dokumento pwede ninyong ma-email kung asa ang pinakadoul sa inyohang dapit.
A. Provincial Operations Center, Provincial Agriculture Office, Malaybalay City sa email add nga-agri10poc.buk@gmail.com o contact sa mga numero, 0917-877-3135, 0906-747-1235, 0977-810-8262 ug 0948-376-7350.




B. Northern Mindanao Agricultural Crops and Livestock Research Complex, Dalwangan, Malaybalay City sa email nga researchdivisionda10@gmail.com o contact sa mga numero 0917-328-2304 ug sa

C. Regional Center for Upland Development, Barongcot, Dangcagan, Bukidnon sa email add nga da10_bapc@yahoo.com o contact sa mga numero 0917-108-2997.

Nagpahibalo usab ang Provincial Agriculture’s Office nga libre ug walay bayad ang pagproseso sa mga dokumento para sa Food Lane Pass.

Alang sa dugang kasayuran ug kadtong dili maka-access sa internet, pwede kamong moduol sa inyong Provincial/Municipal o City Agriculture’s Office para kamo matabangan sa pagkuha ug Food Lane Pass.

Facebook Comments