Enhanced Community Quarantine ipatuman sa Negros Occidental sa lunes

33

Ginpirmahan na ni Gov. Bong Lacson ang Executive Order No. 20-20 nga nagapaidalom sa bug-os nga Negros Occidental sa Enhanced Community Quarantine (ECQ). Sa idalom sang ECQ ginamanduan ang tanan nga magsunod sa istrikto nga home quarantine; limitado lamang ang hulag para sa pag-access sa basic necessities; mangin regulated man ang probisyon para sa pagkaon kag essential health services kag may yara sang heightened presence sang uniformed personnel agud mapatuman ang quarantine procedures.

Epektibo ang ECQ sumugod alas12:01 sang Marso 30, 2020 kag magalawig tubtob alas-11:59 sang Abril 14, 2020. Nasaad sa Section 1:3 sang EO nga dapat magpabilin nga bukas ang private establishments nga may kaangatanan sa pagkaon kag medical supplies kaangay sang public markets, supermarkets, groceries, convenience stores, hospitals, medical clinics, pharmacies, drug stores, food preparation and delivery services, water refilling stations, laundry services, money transfer services, petroleum, power, water, energy, telecommunications, business process outsourcing establishments kag sugar centrals.


Apang dapat nga mag-observe ang amo nga mga establishments sang skeletal force agud mapasiguro man ang social distancing. Dapat nga maghatag man ang essential business sang living quarters sa ila mga empleyado samtang epektibo ang ECQ. Mangin sirado man ang mga border, ports kag airports sa Negros Occidental. Suspendido ang mass transportation nga ginalakipan sang buses, jeepneys, taxis, v-hires, tricycles, e-tricycles kag traysikad.

Obligado man ang tagsa ka local government unit nga maghatag sang pagkaon kag iban nga basic necessities sa ila vulnerable household. Dapat nga maghatag man ang LGU sang isa ka ECQ pass sa isa ka miembro sang tagsa ka pamilya nga magabakal sang ila pagkaon kag iban nga kinahanglan kag sarang ini maggamit sang iya kaugalingon nga salakyan.

Facebook Comments