AFF SUZUKI CUP | Azkals mabudlayan sa 2018 Asean Cup sa 2018 matapos malakip sa group of death

12

Indi mangin madali para sa Philippine Azkals nga makabawi sa 2018 Asean Football Federation ukon AFF Suzuki Cup sa maabot nga bulan sang Nobyembre.
Ini bangud nalakip sa group of death ang Azkals sa bag-o lang natapos nga draw nga ginhiwat sa Jakarta, Indonesia.
Yara sa group B ang Azkals kaupod ang defending champion nga Thailand, Singapore, Indonesia kag ang magadaug sa sambuwa sang Brunei kag Timor Leste.
Ginpahayag nga halos kasubong man sini ang draw sadtong 2016 Suzuki Cup kon sa diin wala nakasulod sa semis ang Azkals bisan diri pa sa Pilipinas ginhiwat ang torneo.
Apang suno kay Dan Palami, team manager sang Azkals, bisan mabudlay ang nangin draw para sa sa Azkals, maayo ini nga preparasyon sang hubon sa ila pagpanghanda sa Asian Cup nga pagahiwaton sa UAE sa masunod nga tuig.

Facebook Comments