Sa interbyu sa DXDC RMN Davao kang Alcherie Patino, AFFFIC Spokesperson, gisulti niini nga buot nilang mahibal-an kung unsa ang ilang kalapasan labot sa mensahe sa billboard, diin kini gibaklas na niadtong Martes (Pebrero 22, 2022).
Gibarogan sa grupo nga sila dili supak sa COVID-19 vaccination, inay naghatag lamang sila og awareness sa mga ginikanan sa paghuna-huna pag-ayo una modesisyon nga pabakunahan ang ilang mga anak.
“Mas maayo gani nga ipatawag ‘mi aron mas maklaro sa amoa unsa ang offense, unsa ang balaod nga nag-cover aron makaingon sila naa ‘mi offense nga nabuhat. Then from our end, tan-awon namo kung unsa ang among buhaton after nga magkaatubangay ‘mi para patas,” saysay ni Patino.
Giklaro usab sa AFFFIC, niagi sa proseso ang ilang pagbutang og billboard diin adunay permit ang advertising agency nga gibayaran sa grupo.
Sa pagkakaron, anaa na sa Davao City Legal Office ang report alang sa inbestigasyon kung aduna bay tulubagon ang nahisgutang organisasyon.
RadyoMan Kirby Manzon
