Kumpimardo usab sa armadong kusog sa nasud nga gawas sa mga lokal nga miyembro sa grupong Maute nga gibanabanaang anaa sa 80 kinsa nakiggyera gihapon karon sa goyerno sa Marawi City, adunay laing napulo ka mga langyaw kun foreign fighters nga nitapon sa maong grupo.
Sa news conference sa Camp Aguinaldo, gi-angkon ni AFP Chief-of-Staff Gen. Eduardo Año nga ang mga langyaw nakit-an kini sa mga intel sources ingon man niadtong mga naka-eskapo na gikan sa panggubatan.
Duha na lamang ka mga grupo ang nahibilin sa Maute ug kini mao ang hut-ong ubos kang Omar Maute ug kadtong gipangulohan ni Isnilon Hapilon.
Pikas bahin, gitino ni Defense Sec. Delfin Lorenzana nga gikatakda usab ang paglusad sa usaka high-level security cluster meeting anytime karon uban kang pamuno-nasud Rodrigo Duterte aron hisgotan ang scenariong peacetalks resumption ug ang mga posibleng implikasyon niini.
RadyoMan June Duterte
