Giklaro sa Armed Forces of the Philippines Central Command nga malinawon ug way nadawat nga bisan unsang hulga nga pagpangatake sa teroristang grupo ang tibook lalawigan sa Sugbu .
Taliwa kini sa giluwatan nga travel advisory sa Amerika ilabi na sa habagatang bahin sa lalawigan .
Ang kumander sa Centcom nga si General Oscar Lactao nibutyag nga sa niaging mga buwan siya ug ang iyang pamilya nituyo sa pagsuroy sa mga tourist destinations sa Sugbu ug niklaro nga wa siyay nakitang problema sa seguridad.
Ug aron masiguro ang hugot nga seguridad , ipabilin ang puwersa sa Task Force Cebu sa habagatang bahin sa probinsiya nga naglangkob sa mga sakop sa Philippine Air Force , Navy , Philippine Coast Guard nga moabag sa kapolisan sa lalawigan.
