BACOLOD CITY – Nagsumpa sini nga adlaw ang kapin 11,500 tanan ka bag-o ka mga miembro sang Partido ng Demokratikong Pilipino – Laban sa Victorias City kag Bacolod City.
Ang mass oathtaking ginpangunahan mismo ni House Speaker Pantaleon Alvarez subong man ni Bureau of Internal Revenue – BIR Deputy Commissioner Clint Aranas.
Sa Victorias City, mga 9,000 ang nagpamiembro nga ginpangunahan ni Congressman Albee Benetiz sang 3rd District sang Negros Occidental samtang sa Bacolod City mga 2,500 ang mga bag-o nga miembro sa diin nagtambong sa amo nga mass oathtaking si Bacolod Mayor Evelio Bing Leonardia kag Cong. Greg Gasataya.
Wala labot sa oath taking, may ginpatigayon man nga lecture kag membership seminar subong man advance-talk para sa federalism.
Ang oathtaking sa Bacolod City ang ginpatiyaon sa sa gym sang University of Negros Occidental – Recoletos samtang ang sa Victorias City ang ginpatigayon sa Victorias City Coliseum para sa mga taga-probinsya.
Nagin kaangay naman sa temprano nga pangampanya ang natabo bangod mismo didto gin-endorso ni House Speaker Alvarez si Congressman Benetiz para senador kag Rep. Geraldine Roman. Si Benetiz ang ara na sa iya ulihi nga termino bilang congressman sang 3rd District.
KON IKAW PAHAMBALON? PAGPASUMPA SA MGA BAG-O NGA MIEMBRO SANG PDP-LABAN, PARA BALA FERALISMO UKON PAMULITIKA? (POST NA SANG IMO KOMENTO SA IDALOM)
