Davao City – Suportado sa pundok sa militar ang pag-angkon ni Pangulong Rodrigo Duterte bahin sa hingpit na pagtapos sa problema may kalabutan sa communist-terrorist threat dinhi sa nasud Pilipinas sa ikaduhang quarter sa tuig 2019.
Atol sa nahitabong presser karong adlawa, gibutyag ni 10th Infantry Division-Philippine Army Spokesperson Capt. Jerry Lamosao nga base sa ilang assessment dako ang leadership crisis karon sa rebeldeng pundok gumikan sa sunod-sunod nga pagka-neutralisa ingon man pagkasikop sa ilang mga leader.
“Atong basis is the number of surrenderees nga sa area pa lang sa 10th ID anaa na sa 400 kapin na ka mga NPA regular ang nisurrender plus kining 560 ka mga Militia ng Bayan member kinsa armado also with the 6,000 underground mass members,” segun niini.
Gani gumikan niini, kumpiyansa si Lamosao nga matapos ang communist-terrorist threat sa mosunod nga tuig dinhi sa nasud Pilipinas.
Samtang giklaro ni Lamasao ang pulong nga ‘neutralize’ nga mao ang mando ni Pangulong Rodrigo
“It could be killed during encounter, or ma-arrest or ma-apprehend sila, or pwede pod surrender, and as to the statement of the president the 10th ID will continue doing its job na i-neutalize ang grupo sa CPP-NPA-NDF,” saysay niini.
Kanunay, gi-awhag sa mga awtoridad ang lain pang mga miyembro sa rebeldeng pundok nga mutahan samtang sayo pa ug mupailawom sa Enhanced Comprehensive Local Integration Program (E-CLIP) sa gobyerno alang sa bag-ong tsansa isip maayong lungsuranon.
RadyoMaN Jason Amisola
