Bukidnon – Hugot nga gikondena sa 8th Infantry Dependable Batallion, Philippine Army ang gihimong pagpangatake sa mga New Peoples Army kon NPA sa duha ka detachment sa sundalo nga nahimutang sa lungsod sa Impasud-ong, Bukidnon.
Sa interview sa RMN Malaybalay ngadto kang 1st Lt. Erwin Bugarin, ang spokesperson sa 8th IB, gibutyag niini nga dako ang ikatabang sa mao nga detachment ilabina ang paghatag ug seguridad sa mga katawhan nga nanimuyo sa mao nga dapit.
Gawas matud pa niini, gibantayan usab sa kasundaluhan ang mga proyekto nga gipatuman sa gobyerno.
Gidugang pa sa opisyal nga tumong sa pagmontar ug detachment didto aron mabantayan ang mga illegal loggers ug pangdakpon ang mga illegal nga namutol ug mga kahoy gikan sa kabukiran nga bahin sa mao nga lungsod.
Sigun ni Bugarin nga gihimo sa mga NPA ang mao nga pagsulong aron mutanom ug kahadlok sa mga katawhan sa lugar.
