Davao City – Nanghinaut karon ang kasundaluhan nga magpermanente na ugaling mudeklara og ceasefire ang Communist Party of the Philippines – New People’s Army kun CPP-NPA.
Atol sa AFP-PNP Presscon, segun ni Brig. General Ernesto Torres sa 1003RD Brigade nga og mudeklara man og unilateral ceasefire ang CPP-NPA, malaumon kini nga dili lang makabenepisyo ang sakop sa pikas pundok kundi sa tanan ug dili lang tungod sa ilang ika singkwenta nga anibersaryo nga gikatakda karong Disyembre 26 kundi magpermanente na aron maangkon ang hingpit nga kalinaw sa tibuok nasud Pilipinas.
Busa subay niini, giawhag ni Torres ang mga sakop sa NPA nga maghuna-huna karong pasko ug muuli sa pamilya, mutahan sa gobyerno, magbaton og bag-ong kinabuhi ug hinaut nga makarealisa nga dili na mubalik pa sa grupo sa CPP-NPA.
RadyoMaN Renz Barbarona
