Nagpadayon karon ang massive clearing operation sa nasudnong kasundaluhan gumikan sa nahibiling presensya sa mga Maute stragglers kun mga salin o remnants sa teroristang bandong nihasi sa Marawi City.
Sa regular news briefing sa palasyo sa Malacañang, gipaambit ni Maj. Gen. Restituto Padilla Jr., spokesman sa Armed Forces of the Philippines (AFP) nga hangtud dili ma-neutralisa ang katapusang pudyot sa mga terorista ilawom sa landong sa Islamic State of Iraq and Syria (ISIS) dili ug dili usab gayud sila mohunong paglimpyesa sa panggubatan.
Usab gipahibalo atol sa maong media forum nga operational na ang bag-ong namugnang ‘Task Force Bangon Marawi’ aron sugdan na ang pagpabarug sa war-torn locale dili lamang sa inprastraktura kon dili lakip na ang damgo sa mga Marawi residents alang sa mas hilway ug mas masanagon nga matang sa ugma alang niadtong nag-survive sa daw bangungot nga nag-terrorize kanila ug sa ilang mga mahal sa kinabuhi.
RadyoMaN June Duterte
