iFM Laoag – Nagpanawagan ni Major Ericson Bulosan iti Armed Forces of the Philippines (AFP) North Luzon Command (NOLCOM) iti publiko nga agbalin a kalmado mainaig iti agwarwaras a damag nga adda pangta iti grupo ti terorista nga ISIS iti rehiyon uno.
Iti eksklusibo a panakaiyuman ti iFM Laoag, kinunana nga adda ti agpaypaysu ng “alert memo” manipud iti headquartersda angem saan a para iti publiko daytoy nu ‘di ket para iti ‘intelligence division’ laeng ti AFP. Innayunna a mannarimaan ti panangkonpirma ti grupoda mainaig iti daytoy a damag.
Nagpalagip met ti opisyal a posible a sumango iti reklamo ti siasinoman a nangiwaras iti sensitibo a komunikasyun iti AFP ken agtultuloy ti imbestigasyunda maianig iti maipagarup a pangta ti terrorismo iti Rehiyon Uno.
Bernard Ver, RMN News
