Illegal nga nagpapataya han "swertres" arestado

TACLOBAN CITY – Arestado an mga illegal gamblers matapos magdumara hin anti-illegal gambling operations an mga kapulisan ha San Agustin Brgy. Poblacion Kananga, Leyte dida han huwebes, August 1.

Subay ha report han Police Regional Office 8, ginkilala an suspek nga hi Gerardo Matuguina alyas “Opao”, gin-aaligar nagpapataya hin swertres. Narikupo tikang ha iya an kwarta nga nagkakantidad hin P1,250.00

Ha iba nga operasyon, arestado gihap an usa nga suspek nga waray ngarani ha report, arestado ini ha Brgy. Binulho, Javier, Leyte, narikupo tikang ha iya an kwarta nga nagkakantidad hin P170.


Manunumduman nga ginsuspende ni Presidente Duterte an operasyon han Philippine Charity Sweepstakes Office (PCSO) dida han July 27 tubtob July 30, 2019.

May mga illegal dayon nga nagpataya sanglit ginpandakop ini han mga otoridad.

Facebook Comments