Davao City – Wala pa’y plano ang 10th Infantry Division Philippine Army nga magdeklara og lockdown sa mga lugar nga nailawom sa ilang area of responsibility bisan og gibombahan sa gituhoang sakop sa Bangsamoro Islamic Freedom Fighters ang lungsod sa Isulan Sultan Kudarat sa miaging gabii kung asa duha ang patay ug kapin 30 ang samdan.
Suma ni 10th ID Spokesperson Captain Jerry Lamosao nga wa pa sila’y nakit-ang bug-at nga rason aron ipaubos sa lockdown ang mga lugar sa General Santos, North Cotabato, boundary sa Bukidnon, Davao region, ug bahin sa Agusan del Sur.
Segun ni Lamosao nga nagpabiling kontrolado sa 10th ID ang sitwasyon sa ilang area of responsibility.
Gipasabot pa ni Lamosao nga dili sab basta makadeklara ang 10th ID og lockdown kung walay pag-uyon sa crisis management ug regional council sa mga rehiyon nga sakop sa ilang AOR.
Hinuon gitin-aw sa tigpamaba nga adunay kagahom ang militar sa pagdeklara og lockdown hilabi na kun taas ang hulga sa terorismo mugna sa mga teroristang grupo sama sa BIFF.
RadyoMaN Joel Viray
