Mokabat sa P1B ang salapi nga ginakolekta sa New Peoples Army (NPA) gikan sa ilang mga ‘extortion activities’ ngadto sa agro-industrial sector, mining companies, transport ug business sectors ug uban pang mga indibidwal dinhi sa Eastern Mindanao area.
Kini maoy gibutyag karon ni AFP Eastern Mindanao Command (EastMinCom) commander Lt. Gen. Benjamin Madrigal.
Gihangyo karon ni Madrigal ang mga negosyante nga dili na muhatag ug ‘extortion money’ ngadto sa mga NPA aron dili na kini sila makapadayon pa sa ilang mga dautang binuhatan.
Matud ni Madrigal, walay maani kung magsige ug hatag ngadto sa rebeldeng pundok labaw nang walay kaseguruhan nga luwas na sila sa himoong pagpangda-ob o pagpangataki hinimoan gihapon sa Maoist communist group.
Gitataw ni Madrigal nga ang mga negosyante mapugos lamang sa pagtunol tungod sa kahadlok busa kung gipanghasi sila, kinahanglan nga makigkoordinar sila sa pinakaduol nga mga AFP ug PNP headquarters o mga units diha sa ilang mga area ug i-report gilayon kining gituohang ‘forced taxation’ nga giimposar sa mga rebelde.
Niadtong Martes atol sa ‘Ang Huling Tikas Pahinga’ event sa Taguig City, gibaharan ni Pres. Rodrigo Duterte ang mga mining companies ug uban pang grupo nga nagatunol ug ‘revolutionary taxes’ ngadto sa mga communist rebels nga undangon na kini kon dili, iya kini silang pasirad-an.
RadyoMan Aimee Guinita
