Bukidnon – Siguraduhon sa militar nga walay madamay nga sibilyan sa subling pag-ulbo sa engwkentro batok sa NPA.
Sa interview sa RMN Malaybalay ngadto kang Armed Forces of the Philippines kon AFP Spokesperson B/Gen. Restituto Padilla gibutyag niini nga ilang gipaningkamutan nga walay ma-apektuhan nga sibiliyan.
Dedikado matud pa sila nga ma protektahan ang katawhan tungod kay mao kini ang ilang mandato.
Dungan niini gipahayag ni Padilla nga kinahanglan ang suporta sa publiko alang sa pagpatuman sa ilang mandato.
Gi-aghat pa niini ang publiko nga isumbong sa ilang hotline kung unsa may mga buot ipadangat nga impormasyon apil na kung adunay mga pagpalapas sa tawhanong katungod.
Sigun ni Padilla nga e-text lamang sa ilang hotline nga capital letter AFP space lugar ug ang impormasyon nga gustong isumbong, ug ipadala lamang sa numero 7444-168 sa Smart ug sa 26563 Globe.
