Davao City – Dakong uyon ang Armed Forces of the Philippines ingon man ang Philippine National Police (PNP) kung makadisidir si Pangulong Rodrigo Duterte nga palugwayon ang Martial Law dinhi sa Mindanao.
Gipasabot ni 10th Infantry Division Philippine Army spokesperson Capt. Jerry Lamosao, kinahanglan ang martial law gumikan ginalikayan niini ang posibleng resurgence kun pagpangrecruit sa mga teroristang ISIS diin matud pa anaa sa gihapon ang presensya sa mga lawless armed groups.
Dugang ni Lamosao, miresulta usab kini sa pagsurender sa dakong numero sa NPA regulars gani hapsay ang implementasyon ug daghan ang nalipay niini.
Gikanayon ni Davao City Police Office (DCPO) spokesperson P.Sr. Insp. Ma. Teresita Gaspan nga dakong pabor ang martial law sa PNP ilabi na sa implementasyon sa security measures sama na lamang sa gipangmontar nga checkpoints.
Gani, segun niini nga mas napakusgan ang seguridad sa dakbayan diin sagad hapsay na ang mga area dinhi.
“We support to whatever plan of the government as it is to the purpose of the attainment of peace,” segun niini.
Samtang gibutyag sa duha ka tigpamaba nga walay natala nga pagpangabuso diha sa katawhan ilawom sa pagpatuman sa martial law.
RadyoMaN Jason Amisola
