Davao City – Gikahibulong karon ug daku sa Armed Forces of the Philippines (AFP) ang pagtutok sa Commission on Human Rights (CHR) bahin sa imbestigasyon sa giingong pagpangabuso sa mga awtoridad sa mga lumad sa Talaingod, Davao del Norte inay sa kasamtangang isyu sa pagpangdala sa grupo ni Bayan Muna Rep. Satur Ocampo sa 14 ka mga minor de edad nga walay pagtugot sa mga ginikanan.
Gipaniguro ni 1003rd Brigade commander Brig. Gen. Ernesto Torres nga mapamatud-an kini sa mga tribal leaders nga walay pagpangabuso sa militar sa maong lugar gani malipayon ang lumad sa ilang presensya.
Dugang ni Torres, adunay nagpadayong proyekto ang AFP ug DSWD diin kini nagpatukod og pito ka mga classroom ilawom sa construction of classroom for the lumad (CCL) program.
“With these, Bae Pilar, the IP mandatory representative, has clearly stated verbally and in a resolution that they are happy with the presence of the military and the police in their area,” saysay niini.
Dugang ni Deputy Regional Director for Operations P/Sr. Supt. Eden Ugale nga abli sila alang sa imbestigasyon sa CHR diin kumpyansa kini sa ilang regular nga pagpatuman og balaud sa maong dapit.
Alayon sab niini, walay nakita nga militarisasyon ang buhatan sa National Commission on Indigenous Peoples (NCIP) may kalabutan niining hisgutanan.
RadyoMaN Jason Amisola
