Davao City – Mukabat sa 1 million pesos ang damyos sa sunog sa Purok 8, I.K.P, Brgy. Lapu-lapu, Agdao ning dakbayan sa Davao kagahapon bandang alas 11 sa buntag, January 15, 2021.
Base sa report sa Lanang Fire Station, 25 ka balay ang nasunog diin 19 ka balay ang totally damage samtang 6 ang partially damage.
Sa imbestigasyon, nagsugod ang sunog gikan sa kisame sa ikaduhang andana sa panimalay sa usa ka Carolino ug niadtong tungora paspas nga mikanit ang kalayo.
Sumala pa, electrical arcing ang hinungdan sa sunog diin 25 ka pamilya ang apektado ug 47 ka renters.
Hinuon walay nasamdan o napaso atol sa sunog nga nadeklarang fire out ang alas 2:05 sa hapon.
Sa karon ang mga pamilya nga nasunogan naa na Maya-maya Gym ug gitunolan na ug hinabang sama sa pagkaon gikan sa barangay ingon man sa lokal nga panggamhanan ning dakbayan.
Nanawagan si Brgy.Lapu lapu kapitan Romeo Evangelista ngadto sa mga adunay malumong kasing-kasing sa mga mo-donate nga ihatod lang sa barangay.
Subay niini, nakatakda sab mutunol og donasyon ang DXDC RMN Davao pinaagi sa RMN Foundation.
RadyoMan Don Pulayao
