Tabang sa private hospitals sa pag-admit og critical ug severe cases sa COVID-19

19

Davao City – Sa pipila na ka mga higayon, miabot sa 100% ang capacity sa ICU beds og mga severe ug critical cases sa Southern Philippines Medical Center (SPMC).

Sa eksklusibong interbyu sa RMN Davao kang SPMC OIC Ricardo Audan, niini kinahanglan usab nga mudawat na og admission og critical ug severe cases ang mga private hospitals ilabina ron nga nakasulod na ang new COVID-19 variant.


Gibutyag niini ‘very much capable’ ang mga pribadong ospital aron mu-handle sad og mga critical ug severe cases sa COVID-19.

“Naa silay mga Infectious Disease specialists,” sumala niini.

Gikanayon ni Audan, kinahanglan og mga High Flow Oxygen Nasal Cannula para sa mga pasyente diin gipasalig usab sa Department of Health nga matanyag niini sa mga private hospitals.

Matud ni Audan, gilaraw niini nga i-expand pa og ICU para sa mga pasyente sa COVID-19 apan susamang problema gihapon ang ilahang giatubang mao ang kakulangon sa mga nurses ug staffs.




RadyoMaN Aimee Guinita

Facebook Comments