Davao City – Ubay ubay sa mga vendors sa Agdao Public Market ang mipatim-aw sa Barangay Hall ug nangayo’g permit sa Barangay aron makabalik sa pagtinda apan wala tugoti tungod kay wala sila mipailawom sa Rapid Diagnostic Test (RDT) niadtong milabayng bulan.
Sa interview sa DXDC RMN Davao kang Brgy. Agdao Proper Spokesperson Pedro Arthur Junsay, dili sila kabalik sa pagbaligya gawas kung mopailawom sila una sa rapid test.
Matud ni Junsay, ang makabalik lamang kadtong natagaan sa Barangay Certification pamatuod nga napailawom sa RDT.
Segun ni Junsay, niadtong milabay’ng adlaw, kapin napulo ka mga vendor ang buot mobalik sa pagpaninda apan wala na sila tugoti.
Tumong niini aron pagsiguro nga lawas ang mga mamalitay ug walay matakdan sa COVID-19.
“Daghan sila nag-anhi dinhi kay mangayo sila og permit pagtugot namo nga motinda sa palengke pero ang ginasulti namo nga dili gyod kami ang magtugot sa inyoha pero ginatan-aw pod namo bag-o mi maghatag og certification kinahanglan nga maipakita ninyo ang sertipiko nga ni-undergo mo og Rapid Diagnostic Test,” segun ni Junsay.
RadyoMaN Don Pulayao
