Davao City -168 ka mga vendors sa Agdao Public Market ang gipailawom sa swab test kagahapon (April 5, 2021) human nagpositibo ang siyam ka vendors ug usa ka staff sa Agdao Health Centers sa mass testing.
Sa interbyu sa DXDC RMN Davao kang Brgy. Agdao Proper Barangay Secretary Pedro Arthur Junsay nga niadtong April 1, 2021, 300 ka mga vendors ang gi-swab test ug duha taga-Brgy. Agdao Proper samtang pito gikan sa laing barangay ning dakbayan ang nagpositibo.
Matud ni Junsay, ang 9 nga nagpositive gi-isolate na karon sa usa ka isolation facility ning syudad.
Giklaro ni Junsay, ang Agdao Public Market nagpadayon sa iyang operasyon ug wala kini gi-lockdown.
RadyoMan Don Pulayao
Facebook Comments
