Agdao rapid test: 3 COVID-19 positive, 45 gisuspetsahan

Davao City – Laing tulo ka mga vendor sa Agdao Public Market ang nagpositibo sa COVID-19 sa gihimong Swab Test human unang nagpositibo sa gihimong Rapid Diagnostic Test (RDT).

Sa pakighinabi sa DXDC RMN Davao kang Brgy. Agdao Proper Spokesperson Pedro Arthur Junsay, ang nahisgutang mga vendors nasayrang taga-Bunawan, Brgy. Centro Agdao ug Brgy. San Antonio, Agdao ning dakbayan.

Mikabat na sa 1,659 ang napailawom sa Rapid Diagnostic Test diin 45 niini ang gisuspetsahan sa COVID-19.


Subling gi-abisuhan ni Junsay ang tanan vendors sa Agdao Public Market nga karong adlawa, (May 30, 2020) na ang katapusan sa rapid test.

Ang tanang gipailawom sa RDT hatagan og Barangay Certificate aron makabalik sa pagtinda diin sa Hunyo 1, 2020 subling buksan sa publiko ang Agdao Public Market human gisirad-an tungod pagpahigayon og disinfection ug sa gihimong rapid test sa mga vendors.

RadyoMaN Don Pulayao

Facebook Comments