Davao City – Gipasidan-an ang publiko nga likayan ang pagbisita o pag-adto sa mga giilang Very High Risk ug High Risk areas sa dakbayan tungod sa hulga sa COVID-19.
Gibutyag ni Davao City Mayor Inday Sara Duterte-Carpio, anaa sa very high risk ang mga Barangay nga 22-C, 23-C, Agdao Proper, Bucana, Buhangin Proper, Cabantian, Leon Garcia ug Talomo Proper, samtang high risk areas ang Barangay 5-A, 19-B, Catalunan Grande, Maa, Matina Crossing, Tigatto ug Ubalde.
“Duna tay mga very high-risk barangays, high risk barangays. Gina-ingnan namo ang mga tao nga do not go, do not travel, do not visit to these barangays. The only individuals nga amoang ginapahimangnuan nga musuroy o muadto ani nga mga barangay kadtong mga mag-trabaho or kadtong mga necessary, necessary meaning emergency,” segun ni Mayor.
Giklaro sa Mayor, wala usab nagpasabot nga ang mga tawong namuyo o nagtrabaho sa mga nahisgutang Barangay gidid-an nga moadto sa laing Barangay.
Matud sa Mayor, adunay gi-isyu nga memorandum ang Department of Health (DOH) aron pag-check sa mga empleyadong namuyo sa mga COVID-19 nga anaa sa kategoryang very high risk areas ug high risk areas.
RadyoMaN Aimee Guinita
