Aggressive testing: ‘Temporary Surge’ sa COVID-19 cases sa Davao lauman

Davao City – Posibleng musaka ang ihap sa kaso sa COVID-19 dinhi sa dakbayan sa Davao pinaagi karon sa gilusad nga Aggressive Community Testing (ACT).

Sa interbyu sa RMN Davao kang Dr. Ashley Lopez, Department of Health (DOH) Davao City Health COVID-19 focal person, temporaryo lamang kini nga surge sa kaso tungod kini sa kadtong mga first generation (F1) o close contacts sa confirmed case sa nakalabayng 14 ka diyas.

“Hakuton nimo tanan, i-test, kuhaon nimo tanang positive, i-isolate nimo ang positive para puhon in the next coming days mahuman ang ilang quarantine wala nay positive sa atong mga community ug kung wala na kay positive, wala nay manakod ug kung wala nay manakod wala nay kaso,” segun ni Lopez.


Gisulti ni Lopez nga i-extend ang community testing sa Disyembre 8, 2020.

Samtang, hugot nga gihimakak ni Lopez ang alegasyong gina-manipulate ang resulta sa RT-PCR test.

“Nganong tuyuon man og positive unsa may logic ana? Do we want people to have COVID or do we want people to die? Probably they are just misinformed, or baka desperate na sila na sa ingon ani na ang sitwasyon,” dugang ni Lopez.

Sumala niini, giimprobar nila karon ang data management system diin mamahimong makita sa publiko ang mga updates kada adlaw sa sitwasyon sa COVID-19 sa dakbayan.

RadyoMaN Aimee Guinita

Facebook Comments