Social distancing violators silotan

27

Davao City – Manubag ang mga establisyemento ug mga indibidwal nga madakpang wala mituman sa social distancing.

Matud ni Committee on Health chair Councilor Mary Joselle Villafuerte nga ilawom karon sa napasar nga Davao City Minimum Health Protocols for COVID-19 Ordinance, mamahimong pahamtangan og silot ang mga malapason sa balaod.


Sa mga establisyamentong wala mituman sa giimposar nga at least one meter ngadto sa threee meters nga social distancing, adunay multa nga P5,000 sa first hangtod sa fifth offense.

Masuspende usab sulod sa usa ka bulan ang business permit sa ikaduhang offense, tulo ka bulang suspension sa ikatulong offense, unom ka bulang suspension sa ikaupat nga offense ug usa ka tuig nga suspension sa ikalimang offense.

Matud ni Villafuerte ang mga indibidwal nga mga violators ipa-community service.

Ang mga violators sa ordinansa isyuhan kini’g citation ticket sa mga law enforcement units o sa bisan kinsang tahasan sa City Mayor.




Gikanayon ni Villafuerte tumong sa nadusong ordinansa mao ang aron mapugngan ang pagkaylap sa kaso sa COVID-19 ilabina karong holiday season.

RadyoMaN Aimee Guinita

Facebook Comments