Ni Jay-ar M. Arante, RMN-DYKR Kalibo
Utang nga P150 pesos ro ging tunaan ko kaakig it suspek nga babaye sa sangka agi nga anang inangkit do dueonggan.
Daya hay suno sa tagreklamo nga miyembro it 3rd sex nga si Jade Roldan y Villanueva 41-anyos, waitress ag residente it Bulwang, Numancia, Aklan.
Ro dueonggan ko agi hay gaob matapos nga angkiton ko anang naka-away nga babaye sa sangka bar sa banwa it Kalibo kainang aga-aga.
Suno sa tagreklamo samtang naka-duty imaw sa bar hay nakibot eamang imaw kat paeapitan ag basoeon it suspek nga si Shiela Dela Cruz sangka waitress man ag residente it New, Buswang, Kalibo, Aklan.
Gina sugid ko biktima nga naakig kana ro suspek ag gina basoe imaw sa kung ham-an nakaangkon it samad ro ana nga motor.
Dikara tinik-eod imaw ko suspek hasta nga natumba raya ag ging angkit do ana nga tuo nga dueonggan.
