Agi arestado matapos nga gin molestya ro daywa ka mga menor de edad nga eaeaki

12

Kalibo, Aklan — Aresto rong sangka agi matapos nga gin molestya ro daywa ka mga minor de edad nga nagapang edaron it 12-anyos ag 8-anyos sa Oyo Torong Extention, Kalibo, Aklan ag Bakhaw Sur kahapon it hapon.
Rong suspek hay uwa eon pagpahingaeani it Womens Section kung Kalibo PNP bangud nga makilaea man ro mga unga.
Sa pag imbestiga it mga taga Womens Section nga rong mga minor de edad hay gindaea sa may kilid suba (sa katigbawan) matapos magkasugot nga sanda hay bayaran.
Tag idto eon sanda may sangka agi man nga nagapaligos sa suba ag kilaea man nana rong agi nga kaibahan it mga minor de edad ag nakita nana rong ginhimo sa mga unga nga pageohod eohod.
Ag dugang pa gid nga gusto pa gid ko agi nga i bolibard ro mga unga.
Naalarma tag agi nga nagapaligos, dali-dali imaw it takas ag gin impormahan nana rong nanay it mga unga.
Insigida man nga gin adtunan it nanay ro lugar ag naabut abutan pa nana rong mga unga nga ginasinukot rong agi it bayad ag uwa tat mga short do unga.
Naakig rong nanay ko mga unga rason nga naeagyo insigida rong agi ag sa follow up it mga kapulisan imaw ra hay nadakpan.
Nasayuran nga dati man eon raya nga may record sa Kalibo PNP it pagpanghulikap.
Sa makaron hay detained sa Kalibo PNP rong agi ag naka taeana nga pagakasuhan hin aga it kasong Child Abuse..

Facebook Comments