SYUDAD sang Iloilo – Wala sang husto nga pagtu-on angut sa harubaton nga tigkiliwi ang bulan sang Hulyo kag Agosto suno sa NEDA.
Posible suno sa NEDA nga sang una, nagasalig lamang sa panguma ang mga taga-Western Visayas.
Mahambal nga husto ini nga hambalanon apang subong magluwas sa panguma, may ara na industriya, turismo kag may mga OFWs nga ginakuha-an sang pangabuy-anan ang tagsa ka pamilya nga Ílonggo gani indi na mabatyagan ang tigkiliwi ukon lean months.
Mahimo man nga gintawag tig-gulutom/tigkiliwi ang bulan sang Hulyo kag Agosto sadto bangud bag-o lamang nakatanum sang humay ang mga mangunguma, dugangan pa nga bag-o lang nagtapos ang enrolment gani wala sang kwarta.
Indi naman pwede mahambal sang mga pick pockets kag snatchers nga nagapangawat sila bangud tig-gulutom bangud ini dala lamang sang katamaron.
