Dali nga mikatag ang storya sa usa sa mga lungsod sa Zamboanga del sur, human adunay usa ka dalaga nga nagmabdos samtang naligo sa busay.
Adlaw-adlaw, kanunayng ginahimo sa dalaga nga 22 anyos ang paglimpyo sa iyang kaugalingon sama sa pag ligo sa busay sa ilang lugar.
Hugtanon kining gipangulipas ni Magdalena, dili tinuod nga pangalan, taga lungsod sa Aurora, Zamboanga del sur, nga dili siya mabdos tungod kay nagpabilin pa siyang putli ning kasamtangan.
Bisan paman aduna siya’y uyab nga milungtad na sa 5 ka tuig, pero bisan paghalok ug paghawid sa iyang mga kamot wala gayud na hitabo sanglit kay istrikto ang iyang ginikanan.
Tungod sa pagduda sa iyang ginikanan, gidala kini siya sa OB-gyne ug didto nasuta nga dili kini siya buntis bisan tud miburot ang iyang tiyan.
Aron nga masiguro gyud sa ginikanan sa dalaga, misulay sila pagduol sa mananambal.
Sa dihang gisulayan pag subay sa mananambal, gibutyag niini nga tinuod kining mabdos ug usa ka Agta ang amahan sa iyang gisabak nga nagpuyo sa punuan sa Balite.
Halos dili makatuo ang dalaga sa gisugilon sa mananambal nga us aka agta ang amahan sa iyang gibuntis tungod kay sukad sa iyang pagkatawo wala siya kakita ug Agta.
Dugang pang tug-an sa Mananambal, misugid matod pa kaniya ang Agta, nga andam kining manubag ug mangamahan sa gisabak ni Magdalena.
