Ramon Magsaysay, Zamboanga del Sur – Wala na makapalag pa ang 38-anyos nga sales agent sa Asian Coatings diin ang ilang opisina nakabase 048 E. Rodriguez Ave., Santolan Pasig City human kining nadakpan sa police operation didto sa Purok 6, Barangay Poblacion, Ramon Magsaysay, Zamboanga del Sur.
Armado sa Warrant of Arrest kapulisan dihang gidakop ang target nga si GLEEN OMONGOS , 38-anyos, residente sa Brgy. Bugo, Cagayan de Oro City.
Ang pagakop sa akusado gipasikad sa Arrest Warrant sa kasong Kidnapping ug Serious Illegal Detention, nga gipagawas niadtong Hulyo 15, 2015, Regional Trial Court, 9th Judicial Region, Branch 30, Aurora, Zamboanga del Sur pinaagi ni Judge Analyn Ramas-Costanilla.
Wala tuguti sa korte nga makapyansa ang dinakpan nga karon gibalhog na Ramon Magsaysay MPS detention cell.
