Davao City – Gahinan og dugang pondo ingon man pakusgan ang health education sa mga tulunghaan aron masiguro nga mapatuman og sakto ang mga proyekto sa Davao City AIDS Council.
Sumala ni Davao City Vice Mayor Bernard Al-ag, nahisgutan na nila sa City Council ang pag-improbar sa moderno ug tukmang paagi sa kasamtangang panahon.
Dugang niini nga aduna nay nasyunal nga balaud ug ordinansa bahin sa kinahanglanon sa educational campaign may kalabutan sa HIV-AIDS apan wala lang kini hugot nga na-implementar.
“This is really a matter of implementation nga atoa gyod maapil sa atong kabataan. Kita nalang ang country sa Southeast Asia ang naga taas ang insidente (sa AIDS), atoang mga silingan naga ubpd so this is really alarming and we need to do something about this,” segun niini.
Isip suporta sa umaabot nga obserbasyon sa World AIDS Day karong Disyembre 1, nipailawom ang walo ka mga konsehal sa HIV-AIDS testing tumong nga makunhoran ang stigma ingon man diskriminasyon sa HIV-AIDS testing.
Gani, gi-awhag sa bise mayor ang katawhan nga mupailawom sa HIV-AIDS testing sanglit libre lang kini aron masayod sa unsa ang hulagway ug kamatuoran sa maong sakit dinhi sa Pilipinas ingon man kasayuran usab sa kaugalingong kahimtang sa panglawas.
RadyoMaN Jason Amisola
