AIDS sa GenSan nagdamo bangod sa ‘sex’ balor P20 tubtob P50

3401

REGIONAL NEWS – Pagdamo sang kaso sang HIV sa General Santos City posible tuga sang moderno kag na-uso karon nga “sex trade” sa GenSan.

Nagtuga sang pagka-alarma sang local government sang General Santos City kag sang isa ka Non-government organization, NGO ang nadiskubrehan nga sex trade sang mga pamatan-on nga suno sa ila mahimo maga resulta sa pagsaka sang kaso sang HIV sa Gen San.

Nahibaluan nga ang na-uso karon nga sex trade sa General Santos City ang ginalakipan sang ginatawag nga “prenda ari, cornetto kag boga.”

Sa resulta sang ginpatigayon nga isa ka outreach program sang grupo nga ginatawag Pink Salmon Association sa amo nga ciudad nagapakita nga may 36 na ka mga kabataan ang HIV reactive.

Natukiban sang grupo nga may yara sang nagkalain-lain nga tawag sa sex trade ang mga kabataan kaangay sang cornetto ukon sex sa balor nga P20 pesos, ang boga ukon sex for P50 pesos kag PO ukon “prenda ari” sang isa ka lalaki kabaylo sang kwarta.

Suno sa mga local officials sang General Santos nga makabig ini nga alarming bangud indi malayo nga amo ini ang tunaan sa pagsaka sang kaso sang HIV sa ila lugar.

Sa karon ginatinguhaan na sang amo nga NGO kag sang local government unit sang General Santos nga makapatigayon sang mga community base nga HIV screening subong man massive information drive angut sa HIV/AIDS. | Philippine Lifestyle News photo

Facebook Comments