Tuesday, November 17, 2026

Air quality sa Davao Region, “Generally Good” – EMB XI

Davao City – Gibutyag ni Environmental Management Bureau (EMB) Region XI Regional Director Alnulfo Alvarez nga anaa na sa generally good nga kategorya ang ambient air quality sa Davao Region human sa sunod-sunod nga pag-ulan sa Indonesia nga nakatabang sa pagkunhod sa regional transboundary haze. ‎
‎Matud ni Alvarez nga base sa ilang monitoring gikan Hulyo hangtod Nobyembre 2026, labing grabe ang haze niadtong Agosto, Setyembre ug unang bahin sa Oktubre. Atol niini nga panahon, nakarekord ang ilang monitoring station sa Calinan og unhealthy air quality ug adunay usa ka higayon nga misaka pa kini sa very unhealthy nga kategorya, nga mahimong peligroso ilabi na sa mga adunay asthma ug uban pang respiratory diseases. ‎
‎Apan sa ulahing bahin sa Oktubre hangtod Nobyembre, miayo na ang kalidad sa hangin tungod sa sunod-sunod nga pag-ulan sa Indonesia, ilabi na sa Kalimantan ug South Papua, diin nahimutang ang mga hotspot areas nga tinubdan sa regional transboundary haze, ingon man ang forest fires anaa na sa Alert Level Zero. ‎
‎Luyo sa maayong kahimtang sa hangin sa karon, padayon gihapon ang monitoring sa EMB tungod nagdepende sa meteorological conditions sama sa direksyon sa hangin, humidity, temperatura ug pag-ulan ang paglihok sa haze.

RadyoMaN Wil Duran

Facebook Comments