Gin turnover na sang DASIA security agency ang ila AK-47 nga gin kasa sang ila gwardiya sa traffic aide sa Luna, La Paz sang nakaligad nga adlaw.
Nahibalu-an nga may ara sang Presidential order no. 2017- 0189 nga napetsahan July 24, 2017 nga gina pang recall na ang tanan nga high powered firearms sang mga Private Security Service Providers (PSSPs) kag i turnover sa Regional Civil Security Unit sang PNP.
Base sa ini nga order nga indi ba pwede maka bitbit sang high powered firearms ang mga security guards kag ang ila lang pwede lang ma bitbit amu ang .38 revolver, 9mm kag shotgun.
Madumduman nga nag puisay sa dalan Luna ang mga gwardya sang DASIA kag traffic enforcers sang Iloilo City government kun sa diin gin panaugan gikan sa likod sang armored car kag gin kasahan sang AK-47 sang gwardya nga si Novie John Azucena sang DASIA security agency ang traffic aide nga si Leo josef Causing sang TMTRO.
Nakilal- an man ang mga upod ni security guard Azucena nga sanday Joemarie Mandahuya nga amu ang driver kag si Romelo Flores nga nakasakay sa frontseat kag nag kasa man sang iya gina bitbit nga shot gun.
