GENERAL SANTOS CITY- Tag-as nga armas sama sa AK 47 ang nadiskubrehan sa laing rebeldeng sakop sa New Peoples Army human sad kining nitahan sa 73rd IB sa Sarangani Province.
Ang uwahing rebeldeng NPA giila nga si Pangalayan Salda alyas Lakay, miyembro sa Platoon North sa Guerilla Front 71 Far South Mindanao Region.
Nisurender si Lakay bitbit ang iyang M16 rifle ngadto sa kasundalohan samtang ang tulo ka AK 47 narekober sa Sitio Mahayag, Brgy Upper Suyan, Malapatan, Sarangani Province.
Matud pa ni Lt. Col. Marion Ancao, 73IB commander anaa na karon sa ilang kostudiya ang mga armas samtang ang misurender nga rebelde gipresenta sa LGU-Sarangani para makadawat og hinabang sa Comprehensive Local Integration Program o CLIP sa DILG.
For more info’s and updates, like and share our official facebook account : www.facebook.com/ifm91.9Gensanofficial/
