Gipahalipayan kuman pa daan nan kalihim sa Presidential Communication Operations Office Jose Ruperto Martin Andanar an gobyerno sa syudad nan Surigao sanan an opisina sa Turismo sa sa pagpahigajon nan 1st Surigao International DragonBoat Summer Festival kuman Mayo 26,2018 sa may City Boulevard. Sa interview nan RMN Surigao sajo kuman buntag kay Sec. Andanar ini mibutyag na excited nasab sija sa pagbisita utro sa Surigao para atenderan an Opening and Welcome Program sa inin talagsaon sanan primero na Internqtional Event dinhi sa syudad. Si Sec .Andanar amoy pinasidunggang bisita sa Opening program kuman biernes sa may City Auditorium na atenderan sa moabot 21 ka dragon boat teams gikan sa Overseas, Luzon,Visayas sanan Mindanao. Sumaya pa nija na marajaw gajud na taghimo an ini na mga kalihokan para ma encourage an mga surigaonon labina an mga batan on sa pag entra nan ini na klase sa watersport kay dako an tsansa nan mga Pilipino na magchampion isab sa ini na klase na sport.
