General santos City—Gikumperma ni Police Sr. Supt Arpha Abul Kyr Macalangcom, PNP Provincial Director sa Sarangani Police Office nga aduna nay bag-ong lider ang local terrorist group nga Ansar Al Khilafa Philippines (AKP) nga kanhing naglihokan sa Makima Area sa Sarangani Province.
Ginganlan sa opisyal ang bag-ong lider sa AKP nga mao si Copang Saha, kanhi na usab nga miyembro sa grupo ug supporter sa founder niini nga si Kumander Tokboy Maguid kansa namatay sa operasyon sa Maasim niadtong nakalabayng tuig.
Sumala ni Police Sr. Supt. Macalancom nga basi sa impormasyon nga nakalap sa ilang Intel operatives wala na sa kasamtangan ang grupo ni Copang Saha sa Maasim inay sila anaa na sa boundary sa Polomolok ug Tupi, South Cotabato.
Nanibat matud pa ang mag nasangpit sa MAKIMA area tungod na usab sa sunod sunod nga operasyon sa kapulisan ug militar diin target sa operasyon ang mga nahibiling miyembro sa AKP .
