Kalibo, Aklan — Kapin sa 293 ka mga estrukura sa isla it Boracay rong nakitaan it pagbayular sa 25+5 meter easement sa ginpatigayon kahapon nga inspeksyon kung National Task Force Boracay-Save Boracay Mission sa pagpanguna ni DENR Sec. Roy Cimatu ag posibleng igapademolish raya.
Sa 293 ka mga estruktura nga nakasueod sa 30 meters setback, 160 kara rong sa Brgy. Balabag, 115 sa Brgy. Manocmanoc ag 18 ro sa Brgy. Yapak.
Pagapadaehan it notice of violation ro mga tag-ana ko nasambit nga mga estruktura ag pagapa eksplekaron sa sueod it 15 diyas.
Mag-eowas kara gusto man nga ipa implementar ni Cimatu rong setback sa karsada nga 6 nga metro halin sa sentro paadto sa magtimbang nga kilid.
Ingkaso nga indi mapatud-an nga legal ro pagpatindog ag uwat permiso halin sa DENR hay iga pa demolish raya.
Nagpaandan man si Cimatu sa mga Local Government Officials ag iba pa nga nagpahinugot sa pagpatindog it mga estruktura.
Sa makaron hay nagapadayon pa rong ginahimu nga inspeksyon it Task Force sa isla it Boracay.
