Roxas City, Capiz- Pilason ang isa ka persona matapos nga nabunggo sa pader sang Venancio Alba Elementary School sa Brgy. Bolo pasado alas 3 sang aga.
Ginkilala ang biktima kay April John Vestidas, 20-anyos ang pang-edaron kag residente sang Bago Roxas City nga nag-angkon sang pilas sa iya bibig kag nagreklamo sang palanakit sang iya dughan.
Samtang indi naman mapuslan ang multicab nga ginapang-iyahan sang Brgy. Bago, Roxas City. Nahibaluan nga may yara nga gindul-ong nga abyan ang amo nga biktima apang sang pagbalik, wala sini makontrol ang manibela sang salakyan gani nga ini ang nabunggo sa pader.
Ginapatihan nga yara sa impluwensya sang makahulobog nga ilimnon ang driver kun sa diin may nakit-an pa nga botelya sang ilimnon sa salakyan.
Samtang wasak man ang fishball cart matapos nga ini man ang gindalasa.
