AKSIDENTE SA DALANON | Bunggo-anay sang motorsiklo kag jeep sa Sapian, isa ang patay kag isa ang ginabulong sa ospital!

340

Sapian, Capiz- Patay ang isa ka persona samtang kritikal ang isa pa matapos nga ginbunggoan sang depasahero nga jeep ang ginamaneho sang mga ini nga motorsiklo sa Sitio Malamig Poblacion Sapian, Capiz pasado alas singko sang aga.
Ginkilala ang napatay kay Reynold Cataliño sang Batan, Aklan nga gindeklarar nga dead-on-arrival sang gindangat sa Mambusao District Hospital.
Samtang ginabulong sa Roxas Memorial Provincial Hospital ang upod sini nga si Rolando Patron matapos nga nag-angkon sang kapilasan sa lawas.
Suno sa inisyal nga imbestigasyon, nahibaloan nga nagadeliver sang semilya sang isda ang amu nga mga biktima sang aksidente nga mabunggoan ang ila ginasakyan sang jeep nga ginamaneho sang driver nga si Ramil Rebaño.
Bangud sa kabaskugon sang impact, na-apok ang mga biktima halin sa ila ginasakyan.

Facebook Comments

From Advertisers