Dumalag, Capiz – Pilason ang duha ka mga persona samtang isa man ka motorsiklo ang ginsalakay sang dump truck mga alas 11:20 ang takna sa aga sa Brgy. Poblacion, Dumalag, Capiz.
Ginkilala ang mga biktima kanday Joven Endico, 28-anyos sang Brgy. Consolacion, Dumalag, Capiz nga nag-angkon sang kapilasan sa lawas kag construction worker nga Rico Faeldon y Padroque, 29-anyos sang Brgy. San Rafael, Dumalag nga nag-angkon naman sang samad sa tuo nga tuhod.
Matapos ang mga ini nga marespondehan sang mga katapo sang MDRRMO-Dumalag, insigida ang mga ini nga ginpadangat sa ospital sa syudad sang Roxas.
Nagaguha sa inisyal nga imbestigasyon sang mga kapulisan, ginasubay sang driver nga si Roger Adremesin Jr. sang Poblacion Norte, Sigma, Capiz ang dalan padulong sa banwa sang Dumalag sang nabunggo sa motorsiklo nga ginamaneho ni Joven Endico gani nga wala sini makontrol ang manibela kabangdanan sang nasambitan nga insidente.
Samtang nalakip sa ginlapak sang truck ang motorsiklo.
Matapos ang insidente, boluntaryo naman nga nagsurrender sa mga kapulisan ang driver nga si Roger Adremesin Jr.
